2021 ඓතිහාසික කන්ද උඩරට ඇසළ පෙරහර මහා මංගල්ලය විචිත්‍රවත් කරන හස්ථිරාජයින් සඳහා අලංකාරවත් හස්ථි වස්ත්‍ර පරිත්‍යාගය අද(04) දින පෙරවරුවේ ශ්‍රී දළදා මාලිගාවේ දී සිදු විය.
අගෝස්තු 13 වන දා ඇරඹෙන කන්ද උඩරට ඇසළ පෙරහරේ
පළමු කුඹල් පෙරහරේ මංගල හස්ථිරාජයින් වෙනුවෙන් වාසනා පෙරේරා මහත්මිය තුන්වෙනි වතාවට ඇත් ඇඳුම් පරිත්‍යාග කළ අතර
දෙවන කුඹල් පෙරහර වෙනුවෙන් අටවෙනි වරටත් පූජ්‍ය යටියන්තොට චන්දකිත්ති ස්වාමීන් වහන්සේගේ මඟ පෙන්වීමෙන් අනෝජා ධර්මප්‍රිය මහත්මිය ඇත් ඇඳුම් පූජා කරන ලදී.
තෙවන කුඹල් පෙරහර සඳහා ලහිරු අසංග ශ්‍රී නායක මහතා විසින් බතික් වලින් නිර්මාණය කළ ඇත් ඇඳුම් කට්ටලයක් පූජා කළ අතර,
සිව්වන කුඹල් පෙරහර සඳහා සෞම්‍යා හේරත් මැතිණියත්,
පස්වෙනි කුඹල් පෙරහරේ මංගල හස්ථිරාජයින් සඳහා දෙවෙනි වරටත් ඇත් ඇඳුම් පරිත්‍යාග කරනු ලැබුවේ මහනුවර නිසංසලා පෙරේරා මහත්මියයි.
පළමු රන්දෝලි පෙරහරේ මංගල හස්ථිරාජයින් සඳහා දිස්නා වනිගසේකර මහත්මිය විසින් තුන්වෙනි වරටත්,
දෙවන රන්දෝලි පෙරහර සඳහා අටවෙනි වරටත් පූජ්‍ය යටියන්තොට චන්දකිත්ති ස්වාමීන් වහන්සේගේ මඟ පෙන්වීමෙන් රුක්මනී පෙරේරා මත්මියත්,
තුන්වන රන්දෝලි පෙරහර වෙනුවෙන් හත්වෙනි වරටත් ආර්.එන්. රාජපක්ෂ මහතා ද ඇත් ඇඳුම් පරිත්‍යාග කරනු ලැබුවා.
සිව්වන රන්දෝලි පෙරහර වෙනුවෙන් අඛණ්ඩව දසවෙනි වරටත් පානදුරේ සාගරිකා තිරිමාන්න මහත්මිය ඇත් ඇඳුම් පරිත්‍යාග කළ අතර, චතුරිකා විජේතුංග මහත්මිය විසින් සිව්වන රන්දෝලි පෙරහරේ පෙරමුණේ ඇතු සඳහා ඇත් ඇඳුම් පිරිණමනු ලැබුවා.
අවසන් මහා රන්දෝලි පෙරහර වෙනුවෙන් 27 වෙනි වතාවටත් කැන්ඩි සිටි සෙන්ටර් හි (KCC) අධිපති තුසිත විජේසේන මැතිතුමන් මංගල හස්ථිරාජයින් සඳහා ඇත් ඇඳුම් පූජා කරන ලදී. අවසන් මහා පෙරහරේ පෙරමුණේ ඇතු සඳහා ඇත් ඇඳුම් පිරිණමනු ලැබුවේ නිමාත්‍රි දන්දෙණිය මැතිණිය විසිනී. සසන්කා අල්විස් මැතිණිය දහවල් පෙරහර වෙනුවෙන් ඇත් ඇඳුම් පරිත්‍යාග කරනු ලැබුවා.
