“Perahera Sandeshaya” the communication of the successful conclusion of the Kandy Esala Perahera Festival 2023 was handed over to His Excellency the President Hon. Ranil Wickramasinghe marking the conclusion of the festival. 2023 ඇසළ පෙරහර මහා මංගල්ලය සාර්ථකව පවත්වා අවසන් කළ වග ගරු ජනාධිපති රනිල් වික්‍රමසිංහ මැතිතුමන් වෙත ශ්‍රී දළදා මාලිගාවේ ගරු දිය‍වඩන නිලමේ ප්‍රදීප් නිලංග දෑල මැතිතුමන් විසින් සංදේශයක් පිළිගන්වා දන්වා සිටීමෙන් අනතුරුව පෙරහර මංගල්ලයේ නිමාව සනිටුහන් විය.

Divinely colorful & wondrous 1713th Kandy Esala Perahera Festival comes to an end after 11 days of paying homage to the Sacred Tooth Relic & blessing the entire globe with their great cultural offerings after Singheraja the Ceremonial tusker stepped on the ancient moonstone at the auspicious hour and entered through the main “Wahalkada” පිවිතුරු දස දිනක් උඩරට ජීවමාන දළදා දෙව්ලොව, පහන් හිතින් විඳගත් සාධුජන නමස්කාර මැද පෙරහර කරවා එහි සමාප්තිය දහවල් පෙරහරින් මෙසේ සනිටුහන් විය. නිකිණි පුරහඳ පෑයූ මහානීය රාත්‍රියේ වීදිසර මහ රන්දෝලියෙන් පසු, එලඹුනු අළුයම් කාලයේ පෙරහරින් සධාතුක කරඬු වහන්සේ අස්ගිරි ගෙඩිගේ විහාරයේ තැම්පත්කොට, අනතුරුව සිව් දේවාල ගැටඹේ දියකපනා තොටේ දී දියකපා, දහවල් 1.16ට යෙදුන සුබ නැකතින් දිවා පෙරහර අස්ගිරි ගෙඩිගේ විහාරයෙන් පිටත්ව මහනුවර වීදි සංචාරය කරන ලදී. සිංහරාජා ඇතු දහවල් පෙරහරේ සධාතුක පෙරහර කරඬු වහන්සේ වැඩමවා දහවල් 3.04ට යෙදි තිබූ මංගල නැකත් සුබ මුහුර්තයෙන් දළදා මැඳුරතේ මහා වාහල්කඩ අභියස සඳගලෙන් නැවත ගෙවදින ලදී. ලක් ඉතිහාසයේ තවත් ස්වර්ණ වර්ණිත පරිච්ඡේදයක් සටහන් කරමින් 1713 වන වරට පැවැත් වූ හෙළයේ මහා සංස්කෘතික පූජෝපහාරය කන්ද උඩරට ඇසල පෙරහර මහා මංගල්ලය අසිරිමත් කන්ද උඩරට මහනුවර පෙරහර වීදි මඟ සරසා, උතුම් දළදා හාමුදුරුවන්ට, සිව්මහා දෙවිවරුන්ට අපරිමාණ සංස්කෘතික පූජෝපහාර පුදකර, කලට වැසි ලැබ, සියලු ලෝ වැසියන්ට ආශිර්වාද කර එහි සමාප්තිය තබන ලදී.

Water cutting ceremony 2023 The Grand Randoli procession of the Kandy Esala Perahera Festival 2022 returned to the temple after parading the streets yesterday (30th) on Nikini full moon Poya day, paying homage to the Sacred Tooth Relic & also the four guardian deities. Then at the auspicious time of 2.39a.m, the Relic Casket was carried in a procession to the Asgiriya Gedige temple and kept there observing an age-old ritual. The Dewala processions of the four shrines reached the Dewala premises yesterday and then took off to Gatambe and performed the ritual of water cutting ceremony in the bank of Mahaweli river. Thousands of crowds gathered near Sri Rakkanga temple in Gatambe at midnight to witness this event. දිය කැපීමේ පුණ්‍ය මහෝත්සවය 2023.2023 කන්ද උඩරට ඇසළ පෙරහර මහා මංගල්ලයේ අවසන් මහා රන්දෝලි පෙරහර ඊයේ (30) නිකිණි පුර පසළොස්වක පොහෝ දා රාත්‍රියේ දළදා සමිඳුන්ට, සිව්මහා දෙවිවරුන්ටත් සියළු ගරු බුහුමන්, පුද පූජා පවත්වමින් ‍මහත් හරසරින් යුතුව වීථි සංචාරය කරනු ලදී. අවසන් මහ රන්දෝලි පෙරහර මහනුවර වීථි සංචාරය කිරීමෙන් පසු චාරිත්‍රානුකූලව ගෙවදුන් අතර, අනතුරුව අළුයම 2.39ට යෙදුන සුබ නැකතින් පුරාණ චාරිත්‍රයක් ඉටුකරමින් පෙරහර කරඬු වහන්සේ පෙරහරින් වැඩම කරවා, අස්ගිරිය ගෙඩිගේ රජමහා විහාරයේ තැම්පත් කරනු ලැබුවා. අනතුරුව සිව්මහා දේවාල පෙරහර දේවාල වෙත ගොස් දියකැපීම සඳහා ගැටඹේ තොට වෙත ගමන් කළ අතර, පෞරාණික සිරිත් සම්මත චාරිත්‍රවලට අනුව ගැටඹේ – මහවැලි ග‍‍ඟ නිම්නයේ දී සිව්මහා දේවාල වලට අයත් දිය කැපීමේ පුණ්‍ය චාරිත්‍රය සිදු විය. මේ අවස්ථාව දැකබලා ගැනීමට අතිවිශාල බැතිමතුන් ප්‍රමාණයක් ගැටඹේ ශ්‍රී රක්ඛංග විහාරස්ථානය හා ඒ අවට ප්‍රදේශවල මධ්‍යම රාත්‍රියේ සිට රැස්ව සිටියා.

Kataragama Wasana carried the Relic Casket under a golden canopy, walking on cloth carpets in keeping the royal customs of a great standard on the grand Randoli Procession of the Kandy Esala Perahara Festival in Senkadagala on the 2567th Buddhist year keeping Sinharaja & Kandula for protection. Accompanied by the sounds of the fivefold orchestra, brilliant upcountry dance forms and the officials by royal decree parading the streets on this grand night to bring the glory of the great cultural worship to the eyes of the world. චිරාත්කාලයක මහා සම්මත රාජකීය සිරිත් සුරකිමින් ශ්‍රී බුද්ධ වර්ෂයෙන් 2567 වැන්නේ සෙංකඩගල නුවර ඇසල පෙරහර මහා මංගල්ලයේ අවසන් මහ රන්දෝලි පෙරහර දා සධාතුක පෙරහර කරඬු වහන්සේ දරමින් පින්සාරවත් මඟුල් ඇතු කදිරපුර වාසනා, රන් වියන් යටින් – ධවල පාවාඩ මතින් දෙපස රැකවල්ලන සිංහරාජා හා කණ්ඩුල මහ ඇතුන් පිරිවරකොට, උඩරට ප්‍රභාමත් නර්තන ලීලයෙන් ද, පංච තුර්ය නාදන් ද රාජ සම්මත නිලකරුවන් ද පරිවාර කොට, සැට කලාවක නිකිණි හඳ පෑයූ මහානීය රාත්‍රියේ උත්තම පෙරහර කරඬු වහන්සේ වැඩමවමින්, හෙළයේ මහා සංස්කෘතික පුජෝපහාරයේ අභිමන සකල ලෝක වාසින්ගේ නේත්‍රාභිවන්දනයට පාත්‍ර කළ වගයි.

The art competition and the exhibition organized by the Media Bureau of Sri Dalada Maligawa under the theme “Esala Pehaherai Sithuwam Pelaherai 2023” where competitors were invited to submit a eye-catching moment from the procession concluded today. The most beautiful 300 drawings selected out of nearly 5,000 submissions we received were on display at the great audience hall (Magul Maduwa) for the last 3 days.15 selected winners as 1st, 2nd and 3rd under 5 categories were presented with prizes and certificates at the concluding ceremony held at the Golden Utensils Pavilion today (29). All those who participated will be issued a certificate of participation. Sri Dalada Maligawa appreciates all those who participated by sending your drawings of this most valued cultural heritage. මහනුවර ඇසළ පෙරහරේ දුටු ලස්සනම දර්ශනය සිතුවම් කර අපට එවූ දහස් ගණනක් සිත්තරුවන්ගේ සිතුවම් දැක්ම හා තරඟය, ඇසළ පෙරහරයි සිතුවම් පෙළහරයි 2023 අදින් අවසන් විය. පන්දහසකට ආසන්න සිතුවම් අතරින් තොරාගත් හොඳම සිතුවම් තුන්සියය පුරා දින 3ක් මහනුවර මඟුල් මඩුවේ දී දෙස් විදෙස් කරඹන්නන් සඳහා ප්‍රදර්ශණය කළ අතර, කාණ්ඩ 5ක් යටතේ තෝරාගත් පළමු, දෙවන හා තෙවන ස්ථාන 15ක් සඳහා ත්‍යාග හා සහතික පත් ශ්‍රී දළදා මාලිගාවේ රන්ආවුද මණ්ඩපයේ අද(29) පැවති සමාප්ති උත්සවයේ දී පිරිනමන ලදී. සිතුවම් එවු අනෙකුත් සියළුම දෙනා සඳහා සහභාගීත්ව සහතික ලබාදෙන අතර, ඇසළ පෙරහරයි සිතුවම් පෙළහරයි 2023 ප්‍රදර්ශණය හා තරඟය වෙනුවෙන් සිතුවම්කරණයෙන් එක්වෙමින්, ලොව නොදෙවෙනි අපේ රටේ සංස්කෘතික උරුමය හා ප්‍රෞඩත්වය සිතුවමින් විදාහා දැක්වීමට කටයුතු කළ සැමට ශ්‍රී දළදා මාලිගාවේ ගෞරවනීය ප්‍රණාමය.

The devout moment of Kandula the ceremonial tusker carrying the Sacred Relic casket with Miyanraja & Singharaja in the tusker group on the 3rd Randoli procession of the Kandy Esala Perahera Festival 2023 amidst the devoted cultural offering of Upcountry dancing, singing & music. කන්ද උඩරට ඇසළ පෙරහර මහා මංගල්ලයේ තුන්වන රන්දෝලි පෙරහර දා උඩරට නර්තන, ගායන හා වාදන ශිල්පීන්ගේ භක්තිමත් සංස්කෘතික පෙළහර මධ්‍යයේ කණ්ඩුල හස්ථිරාජයා මතින් සධාතුක පෙරහර කරඬු වහන්සේ වැඩමවන විට මියන්රාජා හා සිංහරාජා ඇත් දෙපළ දෑලේ ගමන් කරන ලදී.